Turnerhaus
S’Turnerhuus isch efang e chlli schitter…
de Gmeindrat verwehrt am TVO de Chlütter
jetzt isch de Uusgang ungewiss..
mir händ alli ziimli Schiss
Politischi Vereine sind schuurig nätt…
Si fahred alli uf em Turnerhuus-Trittbrätt
Spielabig oder games night
Es spieled 35 User…
E paar wenigi Winner, de Reschte sind lucky looser..
Motto: Alli händ gwunne; Die einte halt nur an Erfaarig!
Hauptsach, mir mached mit, drum bliibed mir alli fit!
Summerolympiade, Jubilarefiir
Im Summer isch däs de einzig Sportalass…
D’Olypidade im Glattpark isch en riese Spass…
D’Spielgruppe, das sind die bewährte Organisatore…
sie bemänglet aber en Rückgang vo leischtigsfähige Gladiatore.
S‘aschlüssende Summer-Fäscht sponsered öisi Jubilare….
Di meischte vo ine mit schneewiise Haare.
Bergturnfahrt Emmital
Es MRO-Grüppli fahrt mit em Velo 18% duruf ganz locker…
Doch wehe, wänn de Schtroom uusfallt, gheisch grad vom Hocker.
Aber schtoosse wäge fählendem Elektropower….
Das gaat gar nöd, das macht di aber richtig sauer! (gäl André)
D’Bedienig dänn bim Znacht isch e chäibe Flotti…
Ihre Name isch unbekannt, aber glaub nöd Lotti…
Schad nu, dass si isch scho fascht e Verlobti!
Mit ihrem Wese und de Eleganz…
Hät si nöd nu gfalle am Jean-Claud und Franz.
Mir händ die zwei Täge im Emmital sehr gnosse…
bi dere Hitz isch dänn halt öppe es Wösserli gflosse.
Hauptsach, mir mached mit,
drum bliibed mir au fit!
In eigener Sach
De schwindenede Mitglieder versueched mit z’trotze…
Mit nöie Liibli chönd mir bald nu so protze!
En belächlete nöie Flyer…
Isch parat für „Die hundeter Feier“!
Eine hani no ihr liebe Lüüt: Uf ein Blick…
Öis Homepage hät eifach z’wenig Klick.
Chasch du nöd schlafe, liisch wach im Bett…
Miin Tipp, gang doch schnäll is Internet
TV Opfikon suechsch im Googel…
So landisch nöd bi de Foodel!
Männerriege klicksch du jetzt aa…
Da wirsch e grossi Uuswal haa.
Infos, Bericht, und aktuelle Film vom Huus
Bi Bedarf boued mer no uus.. chunsch druus!
D’MRO läbt!
Öb turne, görle, wandere wiiterbilde oder spile..
I de MRO düemer nöd nu umechille.
D’Kameradschaft isch öis sehr wichtig…
Da nämed mir öis alli i d’Verpflichtig.
Fäschtli riise, simmer öis gwöhnt..
Und drum natürli au es Bitzeli vertwöhnt.
Dank em Gilles simmer kulinarisch uf em ä beachtliche Schtand…
Jetzt ufgepasst, es nämed die Junge wilde s’Rueder i d’Hand
Mit sonere Truppe chönne z’Schaffe..
Isch es riisigs Privileg, das isch e gueti Waffe.
Ich möchti mich bedanke bi allne Hälfer nah und fern…
Ich han öi alli würkli gärn!
Heinz Hafner, Obmann MRO